Gintupok sang kalayo ang lima ka balay kag isa ka boarding house sa Purok Bolinao, Barangay 1, ciudad sang Bacolod, kagab-i, kapin alas 7:00 sang gab-i.
Sa interview sang Bombo Radyo kay Archie nga residente sang nasambit nga purok, nasunog ang atubang sang iya balay nga malapit sa boarding house.
Suno diri, may yara sang nagarenta nga mag-asawa kun sa diin ang bana ang masami nga hubog, kag kagab-i yara ini sa impluwensya sang makahulog nga ilimnon kag gina-alegar nga napabayaan ang tinig-ang nga ginluto sa butane nga amo ang gintunaan sang sunog.
Suno kay Archie, nagmaoy kagab-i ang bana kag ini naggwa kag nagbayad sang utang sa isa ka tyangge.
Naglakat ang bana kag matapos ang pila ka minutos amo na nga nagluntad ang sunog.
Lima tanan ka balay ang nasunog kag ang boarding house may yara sang anum ka boarder.
Lunsay nahuman sa light materials ang mga balay amo nga madasig ang paglapta sang kalayo.
