Na-rescue sang anti-mendicancy task force sang Bacolod City ang lima ka bulan nga lapsag nga nagakatulog sa higad sang dalan sa ciudad.
Ang na-rescue nga lapsag ang may yara sang pamilya kag mga kauturan.
Sa interview sang Bombo Radyo Bacolod kay Anjanette Servano, Focal Person sang Anti-Mendicancy Task Force, sang tinalikdan pa nga tuig may yara na sila sang continous nga mapping ang task force.
Suno diri, sang Hunyo 5, nagpatigayon ang Anti-Mendicancy Task Force kun sa diin na-rescue nila ang lima ka bulan nga lapsag sa side walk sa Barangay Villamonte.
Suno kay Servano, ang na-rescue nga lapsag ang kamanghuran nga anak sang isa ka iloy nga may yara sang siyam ka mga kabataan.
Ang lapsag ang nakaputos lang sang bayo gani ginkuha nila ini kag gindala sa Barangay agud maestorya ang iloy kag mahatag ang lapsag.
Apang suno kay Servano naligadan pa sang pila ka oras antes ginkadto sang iloy ang lapsag.
Suno diri, ang bata ang napaislan na kag napakaon na antes nakaabot ang iloy.
Nakita man nga wala sang birth certificate ang bata nga isa ka senyales sang neglect.
Ang katapo pa sang Anti-Mendicancy Task Force ang nagaengganyo sa iloy nga makuhaan sang birth certificate ang bata apang wala man sang sabat ang iloy.
Ang lapsag sa karun ang yara sa shelter agud maatipan bangud may yara ini sang respiratory problem.
Ginpaathagan man ang iloy nga wala ini ginkuhaan sang kinamatarong bilang iloy sang lapsag kundi sila ang ginbuligan lamang.
Ginapahayag man nga may yara sang balay ang mga ini apang wala na sila nagapauli bangud wala sang suga kun sa diin nagcoordinate man ang task force sa Barangay agud nga mahatagan sang solusyon ang ila nga problema.
Apang apisar sini wala sagihapon nagapauli ang mga ini sa ila balay.
Ginamonitor man sa karun kun ano ka matuod nga ang amay sang mga bata ang nagatinir sa balay kag may kaugalingon nga trabaho sa isa ka humayan.
