May lima ka mga staff sang Corazon Locsin Montelibano Memorial Regional Hospital nga nagdugang sa mga nagpositibo sa Covid-19.
Sa interview sang Bombo Radyo Bacolod kay Dr. Julius Drilon, medical center chief sang CLMMRH, isa ka doctor kag apat ka mga IT personnel ang dugang nga nagpositibo sa virus.
Suno diri, ang nasambit nga doktor ang nagikan sa Eyes Nose Throat (ENT) Department kag ginpaidalom sa swab test sang tinalikdan nga Sabado.
Ginalantaw naman ni Drilon nga community transmission ang gintunaan sang pagpositibo sang doktor kag mga IT personnel.
Nagapabilin sa gihapon nga sirado ang Out Patient Department sang ospital kasubong man ang Department of Obstetrics and Gynecology kag Neonatal Intenstive Care Unit.
Samtang, limitado man ang pagbaton sang pasyete sa Surgery Department sang ospital.
Sa karon, kapin 80 ka personnel sang CLMMRH ang ginpaidalom sa swab test sang tinalikdan nga Sabado.
