Lima ka grupo ang magapartisipar sa A Trillion Peso March nga patigayonon sa Dominggo sa ciudad sang Bacolod.
Sa interview sang Bombo Radyo Bacolod kay PCapt Andro Maapni, tagpamaba sang Bacolod City Police Office, may yara sang motorcade nga magatipon sa Bacolod Public Plaza kag mapadulong sa Mega World Upper East.
Ang ikaduha nga grupo amo ang mga miyembro sang simbahan nga matipon sa Capitol Lagoon kag malakat padulong sa Upper East, samtang ang nabilin naman nga tatlo ka grupo amo ang mapatigayon sang caravan.
Ini amo ang yara sa norte nga bahin sang probinsya matipon sa flyover sa Brgy Bata, ang tanan nga yara sa sur nga bahin sang probinsya matipon sa Araneta St kag may yara man sang magatingob halin sa nasidlangan nga bahin sang probinsya.
