Lima ka matag-as nga opisyal sang Department of Public Works and Highways (DPWH) ang nalakip sa mga gin-reshuffle sa tunga sang nagapadayon nga imbestigasyon sa mga ginaalegar maanomaliya nga flood control projects.
sa Special Order No. 140, series of 2025 nga ginpirmahan ni DPWH Sec. Manuel Bonoan, gin-appoint bilang bag-o nga Officer-In-Charge sang DPWH-MIMAROPA si Editha Babaran tal-os kay Regional Director Engr. Gerald Pacanan.
Sa magkatuhay naman nga Special Orders ni Bonoan, gindesignar si Engr. Vivian Biaco bilang OIC-district Engineer sang Catanduanes District Engineering Office (DEO) tal-os kay Engr. Simon Arias.
Ginsaylo si Engr. Leonardo Gonzales bilang Assistant District Engineer sang Albay 2nd DEO tal-os kay Engr. Joanne Morales.
Si Engr. Morales naman ang ginsaylo bilang OIC-Assistant District Engineer sang Albay 3rd DEO tal-os kay Engr. Gonzales.
Samtang, gin-appoint nga OIC-Assistant Regional Director sang DPWH Region II si Engr. Ronalyn Ubiña tal-os kay Engr. Babaran.
