Lima ka mga City Police Station sa Negros Occidental Police Provincial Office ang may ginpatigayon nga change of command.
Sa interview sang Bombo Radyo Bacolod kay Police Lt. Col. Joem Malong, deputy chief for operation sa NOCPPO, ang mga component police stations nga nagpatigayon sang change of commande ceremony kahapon ang ginlakipan sang Himamaylan, La Carlota, Kabankalan, Cadiz kag San Carlos City Police Station.
Sa Kabankalan City Police Station, si Police Lt. Col. John Joel Batusbatusan ang ginsaylo bilang officer in charge sa Cadiz City Police Station, samtang siya ang buslan naman ni Police Lt. Col. Roberto Indiape Jr, bilang OIC.
Ini bangod ang anay hepe sa Cadiz City Police Station nga si Police Lt Col. Gil John ang nakalab-ot na sa maximum tenure nga duha ka tuig, gani ini ang temporaryo naman nga isaylo sa NOCPPO Headquarters.
Samtang ang hepe sa San Carlos City Police Station nga si Police Lt. Col Jesus Mesajon Jr. ang ibutang sa NOCPPO Headquarters kag siya ang buslan sang anay pinuno sa Provincial Investigation and Detection Unit nga si Police Lt. Col. Eduardo Corpuz bilang office in charge.
Ang hepe sang La Carlota City Police Station nga si Police Lt. Col. Noel Garinganao, ang magabiya naman sa pwesto matapos ang duha ka tuig nga serbisyo kag ini ang ibalik sa NOCPPO Headquarters, samtang siya ang buslan ni Police Lt. Col. Aaron Palomo.
Samtang magapungko naman bilang officer in charge sa Himamaylan City Police Station si Police Lt. Col. Anthony Grande, nga anay pinuno sa Provincial Plans and Programs Unit bulos kay Police Lt. Col Renante Jomocan nga I-assign man sa headquarters.
Paathag ni Malong nga ang mga ginreshuffle ang bangod sa natapos na sa duha ka tuig nga tenure bilang hepe sa Police Station, magluwas kay Batusbatusan nga masobra isa ka tuig pa lamang nga ginsaylo bangod wala sang magapungko nga officer in charge sa San Carlos City Police Station.
Ang mga chief of police nga ginbutang sa NOCPPO Headquarters ang magaserbe naman nga Provincial staff.
Paathag ni Malong nga officer in chrage palang ang status sang bag-o nga magapungko samtang wala pa naka-atubang sa alkalde sang tagsa ka LGU.
Ginpaathag sini nga ang change of command ang ginapatigayon agud mas maseguro ang malinong kag seguridad sang mga pumuluyo.
Nagalaom man ang NOCPPO sang maayo nga output gikan sa mga panibag-o nga officer in charge kag nagapangabay sa mga pumuluyo nga suportahan ang ila nga mga programa.
