Nagaduty pa subong sa Moises Padilla Municipal Police Station ang lima nagikan sa anom ka mga pulis nga ginpapanaugan sang National Police Commission sang dismissal order kasunod sang kaso nga ginpasaka sang alkalde sang banwa nga gin-aresto sa checkpoint operation sang Disyembre 19 tuig 2017.
Maduduman nga guilty sa grave misconduct and grave irregularities in the peformance of duty sanday Police Captain Allan Reloj kag lima ka mga kaupod nga sanday Police Master Sgt. Ricardo Dingcong Jr., Police Corporal Nobel Perante, Police Corporal Felis Pesales Jr., Patrolman Michael Mondido kag Patrolman Darryl Dormido.
Ini ang kasunod sang reklamo ni Mayor Ella Celestina Garcia-Yulo batok sa pag-aresto sa iya sa checkpoint nga ginpatigayon sa Barangay Crossing Magallon kun sa diin ginpagwa ang opisyal sa ila salakyan.
Suno sa mga pulis, nakita nila sa plainview ang caliber .45 pistol nga nabutang sa tupad sang iya bana kag sang gin-usisa, nakuha pa gid ang duha ka hand grenade, duha ka sachets sang suspected shabu kag tatlo ka caliber .45 pistol.
Ginpanindugan sang opisyal nga gintamnan sang ebidensya ang ila salakyan.
Ang alkalde ang nakagwa sa prisuhan matapos nga nagpyansa sa kaso nga illegal possession of explosives.
Sa desisyon nga ginpirmahan ni DILG Secretary Eduardo Año, ginsentensyahan ang anom ka mga pulis sang dismissal sa serbisyo nga may accessory penalties nga cancellation sang police eligibilities, forfeiture sang retirement benefits magluwas sa accrued leave credits kag perpetual disqualification from holding public office.
Sa interview sang Bombo Radyo kay NOCPPOspokesperson Police Lt. Abegael Donasco, nagretiro nagligad nga tuig si Reloj.
Ang lima naman ang wala pa nakabaton sang kopya sang NAPOLCOM decision gani padayon sila nga nagarender sang duty.
