Nagdangat sa lima ka mga business establishment ang ginpasira sang Bacolod City Government matapos natukiban nga wala sang business permits kasunod sang ginpatigayon nga tax mapping sa pila ka lugar sa ciudad sang Bacolod.
Sa interview sang Bombo Radyo Bacolod kay Bacolod City Legal Officer Atty. Romeo Carlos Ting Jr., nagdangat sa nkapin 70 ka mga business establishment ang ginpaidalom sa ‘mapping’ sang Bacolod City government nga wala sang business permit.
Suno kay Ting, ginalakipan sang downtown area, 888 China Town, bahin sang dalan Lacson, Barangay Sum-ag kag Barangay Villamonte ang ginapatigayunan sang tax mapping.
Suno sa City nga ang lima ka nga una napasarad-an sa Bargain Square Mall ang nadiskubrehan nga wala sang business permit.
Suno kay Ting,iga-require naman sang Permits and Licensing Office ang mga buildings nga nagapa-lease ukon nagapa-renta nga dapat magsubmit sila sang listahan sang ila mga tenants para inspection sang mga business permits.
