Lima patay sa miyembro sang New Peoples Army sa nagluntad nga engkwentro sa tunga sang NPA kag 15th Infantry Battalion kag 47th Infantry Batallion, sa brgy Tapi, ciudad sang Kabankalan, kaina, kapin alas- 5:30 sang kaagahon.
Sa interview sang Bombo Radyo Bacolod kay Brig. Gen. Joey Escanillas, commander sang 302nd Infantry Brigade sang Philippine Army, nakabaton sila sang impormasyon nga may yara sang presensya sang armado nga grupo sa area.
Suno diri, apat ka serye sang engkwentro ang nagluntad nga nagresulta sa pagkapatay sang tatlo ka babayi kag duha ka lalaki.
Isa pa lamang ang may identity sa lima nga ginkilala si commander Kumpol.
May narecover man nga mga armas halin sa area.
Sa karun padayon ang clearing operations sa area samtang ginahibalo pa kun ano ang motibo sang mga NPA.
