Wala na sang kabuhi sang masapwan ang lima ka tuig nga bata nga lalaki sa sulod sang bubon sa Sitio Bita, Barangay Suay, Himamaylan City, Negros Occidental alas-6:00 kagab-i.
Sa interview sang Bombo Radyo Bacolod kay Police Lt. Col. Anthony Grande, Chief of Police sang Himamaylan City Police Station, ginpahayag sang amay nga alas- 12:00 sang udto nakita sini ang iya bata nga nagahampang.
Interview sang Bombo Radyo Bacolod kay Police Lt. Col. Anthony Grande, Chief of Police sang Himamaylan City Police Station
Matapos ang pila ka oras wala na sini nakita.
Gintsekyar sini ang bubon kag didto sini nakita ang lawas sang iya bata nga naga-utaw utaw na samtang nakahapa sa tubig.
Gilayon nga ginkuha sang amay ang bata apang wala na ini sang kabuhi.
Suno kay Grande, malapit lang sa balay sang pamilya ang bubon kag wala ini sang tabon.
