Ginakalingaw subong sang mga netizens ang isa ka lima ka tuig nga bata naggikan sa Albuera, Leyte bangud ginapatihan may ikasarang ini nga magpasiga sang isa ka suga gamit lamang ang iya nga ilong.
Suno sa iloy sang bata nga si alyas “Kai-kai”, nagbakal sila sang mga inverter bulb ukon emergency light sa department store nga automatic nagasiga kun may power outage.
Suno kay Kai-kai, gintestingan niya nga ipaslak ang bombilya sa iya nga ilong agud mahibaluan kun bala magasiga ini.
Suno diri, nagsiga ang bombilya sang ginsulod niya sa iya nga ilong kag ginlaragway ini nga superpowers.
Gintestingan man sang iban nila nga kaupod sa ila nga ilong apang wala ini nagagana.
Suno naman sa isa ka physicist, ang ilong ni Kai-kai amo isa ka conductor.
Paathag sini nga ang lawas sang tawo ang isa ka conducting material.
Gani sang tion nga ginsulod sang bata ang suga sa iya nga ilong, nag-contact ang duha ka terminal.
Dugang pa, nakita sang physicist sa video nga nagabalhas si Kai-kai, suno diri, ang balhas sa panit sang tawo ang may yara sang electrolytes nga makabulig sa pag-ilig sang kuryente.
Bangud diri, may yara sang koneksyon sa electrical circuit gani nagsiga ang bombilya.
Dugang pa, ang electrolytes ang nagaserbe nga nagadul-ong sang mga particle nga mahimo magpa-ilig sang kuryente padulong sa circuit.
Ginpaathag sini nga masami manigpis ang mga panit sang mga pamatan-on pa gani gamay lamang ang resistance sini kag nagasaka ang ginatawag nga conductivity, kun ikumpara sa panit sang mga katigulangan, nga masami madamol kag dry.
