Nagdangat sa pito ang mga napatay matapos matumba ang mini dump truck nga ginasakyan sang mga nag-tree planting nga empleyado sang Silay City Government sa Sitio San Juan, Barangay Guimbalaon, Silay City, Negros Occidental kahapon sang aga.
Sa interview sang Bombo Radyo Bacolod kay Police Lt. Col. Mark Anthony Darroca, Chief of Police sang Silay City Police Station, ang mga imbulbado sa aksidente ang lunsay empleyado sang Local Government Unit sang Silay City nga nagparticipate sa tree planting activity sa Barangay Patag nga gin-organisar man sang ciudad.
Suno kay Darroca, pasado alas 10:00 ang takna kahapon sang aga papauli na ang mga ini sakay sa mini dump truck kun sa diin pag-abot sa kurbada sa Sitio San Juan wala nagkagat ang preno gani wala na-manage sang driver ang salakyan kag ini ang nadulaan sang control kag natumba.
Sakay sa nasambit nga truck ang 24 ka mga job order casual employees sang ciudad.
Santo sa police report ang mga napatay amo sanday:
- Alexander Balili – 62 anyos, residente sang Antilla Subdivision, Barangay 4 (dead on arrival)
- Rafael Jardiolin Jr. – 57 anyos, residente sang Abad Santos, Barangay 5 (dead on arrival)
- Eldie Naguita – 65 anyos, residente sang Barangay E. Lopez (dead on arrival)
- Azucena Dimson – 52 anyos, residente sang Seaview Subdivision, Barangay Guinhalaran (dead on arrival)
- Leonillo Jerson – 38 anyos, residente sang La Purisima, Barangay E. Lopez (dead on arrival)
- Marlon Amarado – 36 anyos, residente sang Barangay Mambulac (napatay sa ospital)
- Jayme Bangis – 60 anyos, residente sang Barangay Guinhalaran (napatay sa ospital)
Ginatumod pa sa karun kun ano gid ang gintunaan sang insidente.
Ginpahayag naman sang isa sa nagresponde sa aksidente kag Job Order man sang Silay City Government nga pito ang napatay kun sa diin lima ang dead on the spot samtang ang duha naman ang napatay sa ospital samtang ginadapatan sang pagbulong.
Suno sa JO, lima ang kritikal samtang 13 ang may minor injuries.
Ginadapatan sang pagbulong ang mga nagkalasamaran nga sanday:
- Mario Donieza – 59 anyos, residente sang Barangay Mambulac
- Felomino Aquino – 49 anyos, residente sang Barangay Lantad
- Arthur Gonzales – 47 anyos, residente sang Tres Fuentes, Barangay Lantad
- Jerkin Acuña – 43 anyos, residente sang Barangay Mambulac
- Randy Dela Banda – 50 anyos, residente sang Loney, Barangay 1
- Mark Rebelala – 32 anyos, residente sang Matagoy St., Barangay Rizal
- Aaron Andrade – 59 anyos, residente sang Paghidaet, Barangay Mambulac
- Edgar Premaylon – 51 anyos, residente sang Barangay E. Lopez
- Joseph Mondejar – 54 anyos, residente sang Antonio Luna, Barangay 1
- Rizalino Hugos – 62 anyos, residente sang Ilang-ilang, Barangay 5
- Arturo Ardiente – 58 anyos, residente sang Barangay Lantad
- Bienvenido Gallego – 61 anyos, residente sang Situo Patag Diutay, Barangay Kapitan Ramon
- Louien Acuña – 48 anyos, residente sang Bonifacio Extension, Barangay 5
- Julius Tomco – 57 anyos, residente sang Barangay 4
- Ronie Molabin – 53 anyos, residente sang Barangay Guinhalaran
- Cosme Premaylon – 55 anyos, residente sang Barangay Lantad
Wala naman sang reported nga nagdugang sa casualties.
