Lima ka mga persona ang ginreport nga nagkalamatay samtang pito ka iban pa ang pilason bangud sa paglaslas ni Typhoon Aghon.
Suno kay Office of Civil Defense (OCD) Spokesperson Edgar Posadas, sa karun padayon pa nga ginavalidate ang mga casualties.
Suno kay Posadas, officially wala pa sang casualties nga naangot kay Aghon apang may lima nga padayon pa nga ginavalidate.
Suno diri, pito ka mga persona ang nakaangkon sang pilas bangud sa bagyo kun sa diin apat ang nagikan sa Legazpi, Albay.
Suno diri, magpamilya ang mga ini kag samtang sila ang nagasakay sa tricycle, sila ang nahulugan sang puno.
Sa latest situational report nagikan sa National Disaster Risk Reduction and Management Council (NDRRMC), kapin 8,465 ka pamilya ukon 19,373 ka mga indibidwal ang naapektuhan sang bagyo.
Nadisplace man ang kapin 5,343 ka mga persona kun sa diin kalabanan sa mga ini ang nagatinir sa 81 ka mga evacuation centers nga ginset up sang gobyerno.
Suno sa Department of Social Welfare and Development (DSWD), nakahatag ini sang P5 million nga balor sang standby funds sa Calabarzon, isa sa mga naapektuhan nga rehiyon sang Typhoon Aghon.
