Ginkilala bilang Lin-ay sang Negros 2023 ang Lin-ay sang Cauayan nga si Alliah Janine Al Rashid sa ginhiwat nga Lin-ay sang Negros 2023 Pageant Night sa Panaad Park and Stadium, kagab-i.
Nakuha sini ang korona bilang Lin-ay sang Negros 2023 kag ang premyo nga P80,000 cash, one full college scholarship for a year, P50,000 worth sang AGLENzta Salon Services sa isa ka tuig kag round-trip international ticket sa courtesy sang EGY Travel and Tours.
Gin-awardan si Al Rashid ni Governor Eugenio Jose “Bong” Lacson, Lin-ay sang Negros 2019 Roxanne Toleco of Talisay City, Miss Supranational Philippines 2022 Alison Black kag Beatrice Luigi Gomez Miss Universe 2021 Top 5.
Ang adbokasiya ni Al Rashid ang nakasentro sa pagsuporta sa lesbian, gay, bisexual, transgender, queer (LGBTQ) plus community kasubong man ang pagpakigbato sa gender discrimination.
Sa pamangkot nga “What is you promise to all Negrense women?” sa Question and answer portion, sabat ni Al Rashid, promisa sa tanan nga kababaihan sang Negrense ang safe space kag sila mahatagan sang freedom nga sila maka-express sang ila kaugalingon, indi sila ma-sexualize kag mahatagan sang trabaho ang tanan apisar sa ano man nga gender.
Samtang, nakuha sang Lin-ay sang Kabankalan ang 4th runner up, Lin-ay sang Hinigaran ang 3rd runner up, Lin-ay sang Don Salvador Benedicto ang 2nd runner up, kag Lin-ay sang Sagay ang 1st runner up.
