Gindeklarar nga Darling of the Press ang Lin-ay sang La Castellana Chermaine Faith Semillano sa ginpatigayon nga press presentation sang mga Li-ay sa Negros candidates para sa Panaad sa Negros 2025.
Ang press presentation ang ginpatigayon kaina sang aga sa SM City Bacolod.
27 ka mga kandidata ang nakigbahin gikan sa Negros Occidental kag Bacolod.
Ang lima ka banwa kag ciudad nga wala sang nagpasakop nga lin-ay ang ginalakipan sang ciudad sang La Carlota kag San Carlos kasubong man mga banwa sang EB Magalona, Moises Padilla kag San Enrique.
Yara man sa aktibidad si La Castellana Mayor Rhumylla Nicor Mangilimutan agud magsuporta sa ila nga kandidata.
Sa Lunes patigayunon ang opening cermony sang Panaad sa Negros Festival 2025 alas-4:00 sang hapon sa Panaad Park and Stadium.
Wala naman sang gin-imbetahan nga National Candidates agud indi ma malisyahan karun nga campaign period.
Ginadumilian man ang pagpanapik sang campaign materials local man ukon national candidate sa Panaad Park and Stadium.
