Luwas na sa katalagman ang isa ka lineman sang Negros Electric Power Corporation (NEPC) matapos nga malipungan bangud sa nauyatan nga live wire sa poste sa Rizal Highway, Brgy. Mambulac, ciudad sang Silay, Negros Occidental, Marso 14 sang aga.
Sa interview sang Bombo Radyo Bacolod kay Engr. Leomel Tambanillo, assistant Vice President for Planning and Business Operations sang Negros Electric and Power Corporation, ang insidente ang natabo kahapon sang aga kun sa diin ang linemen ang nagapang-ilis sang mga daan nga poste kag sang pag-ilis sang secondary line, natandugan ni Rommel Amarillo nga residente sang Bohol ang bear conductors kag nalipungan sa sulod sang 30 minutos.
Gindala man gilayon sa ospital kag gincheck up apang wala man sang dako nga kahalitan sa lineman kag nagarecover na.
Suno kay Tambanillo wala madagdag ang lineman bangud sa safety gears kag harness.
