Linibo ka mga applicants ang nagpadulong sa Kalayaan Job Fair nga ginpatigayon sa SM City Bacolod kadungan sang 125th anniversary sang Independence Day sang Pilipinas subong nga Hunyo 12.
Ang job fair ang ginpangunahan sang Department of Labor and Employment kag Public Employment Service Office Bacolod.
Subong nga tuig, target nga makatipon sang 9,000 ka mga applicants.
Isa naman ang Bombo Radyo Bacolod sa mga kompaniya nga nag-upod sa job fair bangud nagapangita ang estasyon sang dugang nga reporter kag newswriter/newscaster.
Nagtambong man diri si DOLE Region 6 Director Atty. Sixto Rodriguez bangud subong nga tuig, diri sa Bacolod ginhiwat ang job fair.
Suno kay PESO Bacolod head Jovelyn Canoy, nagkooperar ang city government sa national initiative sang DOLE.
Sila naman ang in-charge sa campaign materials agud nga mapahibalo ang mga probable applicants angot sa job fair.
53 ka mga kompaniya kun sa diin apat diri ang overseas companies kag masobra 9,000 ang job vacancies.
Nagalaom naman si Canoy nga madamo ang mahire subong nga job fair.
