Nagdangat sa 2,811 ka mga indibidwal ukon 764 ka pamilya sa Negros Occidental ang apektado sang trough sang Severe Tropical Storm Kristine santo sa report sang Provincial Disaster Risk Reduction and Management Council (PDRRM) as of alas 4:00 ang takna sang hapon, Oktubre 23.
Nagdangat sa anum ka banwa kag ciudad kag 19 ka barangay ang apektado sang bagyo.
May yara sang 64 ka pamilya kag 162 ka indibidwal ang yara sa sulod sang evacuation center.
Ang mga evacuees ang nagikan sa ciudad sang Bago, Sipalay kag Cadiz.
Napaidalom naman sa karun sa Blue Alert ang PDRRMC Emergency Operations Center sang probinsya.
Napulo ka lugar sa probinsya ang ginbaha apang nagsubside na, apat ka landslipe apang nuclear na kag isa ka puno ang natumba bangud sa bagyo.
May yara naman sang humayan kag isdaan ang apektado sang pag-ulan dala sang Bagyong Kristine.
Suspension man ang sea trips sa Negros Occidental bangud ginpaidalom ang northern portion sang probinsya sa Signal Number 1.
Suspended man ang klase sa 25 ka mga Local Government Units sa Negros Occidental kag may isa ka nagsuspend sang trabaho sa government offices.
Padayon man ang pagbantay sang tagsa ka LGU sa ila nga lugar kag mga suba nga nakapalibot sa area agud makita kun nagasaka ang lebel sang tubig.
Una na nga nagpanugyan ang gobernadora sang probinsya nga kun may yara sang advisory nga mag-evacuate dapat nga magsunod ang pumuluyo bangud ang kabuhi ang importante kag indi dapat pag-usikan.
Apisar sang pagbaha kag landslide nga narecord wala naman sang narekord nga nasamaran ukon napatay bangud sa Bagyo.
