Linibo ka mga South Koreans ang nagsulay sa snow sang Domingo agud magpatigayon sang rally bilang pagpakita sang suporta kag oposition kay President Yoon Suk Yeol, nga suspendido sa karun bangud sa pagpatuman sini sang martial law kag pagpamatok nga maaresto isa ka adlaw antes nga nag-expire ang iya warrant.
Sang Biyernes, gintuyo ini kuntani nga arestuhon sang mga imbestigador apang wala nanin madinalag-on bangud sa anum ka oras nga stand-off batok sa iya presidential security service kun sa diin nagtukod man sang camp sa gwa sang iya puluy-an ang iya mga supporters.
Linibo ang liwat nga nagpadulong sa iya puluy-an sang Domingo apisar sang indi maayo nga kondisyon sang snow nga nakapalibot sa capital kun sa diin ang isa ka kampo ang nagademand sang pagkaaresto ni Yoon samtang ang pihak naman ang nagpanawagan nga madeklarar nga invalid ang iya impeachment.
