Ginakulang na sa karun ang mga nursing services sa New Zealand bangod madamo sa mga nurses sa nasambit nga pungsod ang ginapili nga magsaylo sa Australia para sa mas dako nga sweldo.
Sa interview sang Bombo Radyo Bacolod kay Bombo International Correspondent Tide Rogacion, derekta sa New Zealand, kalabanan sa mga nagasaylo ang mga lamharun pa nga nurses.
Ini ang nag-umpisa sang nagpasar sang layi ang Australian government kun sa diin ang mga New Zealander ang ginahatagan sang parehas nga benepisyo sa mga Australian citizens.
Paathag ni Rogacion nga mas dako ang sweldo sa Australia samtang mas manubo naman ang balor sang balay kag duta.
Apang aminado ini nga madamo gihapon sang mga pumuluyo sa New Zealand nga kuntento na sa ila sweldo kag pagpangabuhi.
Bangod sini, dako nga oportunidad para sa mga Asians partikular na sa mga Pilipino, nga magsaylo sa Australia.
Suno kay Rogacion, mahapos lamang ang pagsulod sa trabaho sa New Zealand gani sa masami, ang mga Pilipino ang una nga nagatrabaho sa pungsod kag kun makakuha sang oportunidad, sila ang nagapasimpalad sa Australia.
Kun undergraduate sa nursing, sarang makaschooling sa New Zealand samtang ang mga registered nurses ang mahimo lamang magbakasyon, kag magkuha sang working visa.
