Linibo ka mga pamilya sa nakatungdan nga bahin sang France ang nadulaan sang kuryente kadungan sang nagapadayon nga record-breaking heatwave sa pungsod.
Santo sa mga otoridad, kapin 68,000 ka mga pamilya sa Brittany ang apektado kag ginalauman mabalik ang suplay sang kuryente tubtob Miyerkules sang gab-i.
Masobra katunga sang France ang yara sa idalom sang red heat alert, sa diin posible maglab-ot sa 43 degree celcius ang temperatura sa southwest, santo sa Meteo France.
Nakarecord man sang pinakamainit nga temperatura sa maragtas sang pungsod sang Martes nga nagdangat sa 44 degree celcius samtang naga-average naman sa 29.9 degree celcius ang pinakamainit nga narecord sa kagab-ihon sa bug-os nga France.
Madumduman nga indi magnubo sa 40 ka mga indibidwal ang ginbawian sang kabuhi matapos malumos may kaangtanan sa kainiton sang panahon.
