Linibo ka mga tawo sa Denmark kag Greenland ang nagprotesta agud nga pamatukan ang ginaduso ni US President Donald Trump nga baklon ang Greenland sa Denmark kag gin-emphasize nga dapat ang Arctic territory mismo ang madesisyon sa bwas damlag sini.
Sa Copenhagen, nagmartsa ang mga demonstrador padulong sa US embassy, samtang ginasinggitan ang “Greenland is not for sale” kag may dala nga mga banner nga “No means No” kag “Hands off Greenland”, kaupod ang pula kag puti nga hayahay sang Greenland.
May pila man nga nagsuksok sang pula nga baseball cap nga anggid sa “Make America Great Again” ni Trump, apang ang nakasulat amo ang “Make America Go Away.”
Ginalantaw nga masobra sa 20,000 ka mga tawo ang nagtambong sa protesta sa Copenhagen katumbas sang populasyon sang kabisera sang Greenland nga Nuuk samtang ginpatigayon man ang mga gagmay nga pagprotesta sa iban pa nga bahin sang Denmark.
