Nagapati ang political analyst nga dako ang epekto sang lihok ni US President Donald Trump nga ma-abolish ang International Criminal Court sa kaso ni former President Rodrigo Duterte.
Nahibaluan nga 2,279 pieces of evidence nga gin-classify bilang “incriminating” ang ginsumiter sang prosekusyon batok kay Duterte.
Ginhatagan na sang kopya ang depensa agud nga matun-an ang mga ebidensya para sa cross examination.
Suno kay Ortiz, ang mga defense panel ang may tion pa sa pagtuon bangod sa Nobyembre 30 pa maga-umpisa ang trial.
Ang kaso sa ICC ang sa masami nagalawig naman sang walo tubtob siyam ka tuig.
Suno kay Ortiz, sa kadugayon sang kaso, indi madula ang posibilidad nga ang akusado ang maka-angkon na sang medical condition kaangay sang amnesia kaangay sa natabo sadto sa Congo.
Apang sa ICC rules, bisan pa wala na sa husto nga mental state ang akusado, ini ang magatinir gihapon sa ila jurisdiction kag indi papulion.
Samtang isa naman sa balantayan ang pagduso ni Trump nga ma-abolish ang ICC.
Pahayag ni Ortiz nga madamo na sang mga pungsod sa Africa ang nagwithdraw sa ICC, kasubong man ang Venezuela nga kontrolado sang America.
Nagapati ini nga may posibilidad nga ma-abolish ang ICC bangod sa pressure sang America kun sa diin ginadagdagan ni Trump sang mas mataas nga taripa, kag gina-ban sa America ang mga pungsod nga indi magsunod sa ila.
Ginalantaw ni Ortiz nga sa tion nga magnubo na sa 50 porsyento ang member-state sang ICC, ini ang indi naman makilala nga lehitimo nga International Court.
Suno sa political analyst, sa ICC rules, kun ang member-state ang gin-atake sang non-member state, ang ICC ang sarang gihapon magdagdag sang warrant of arrest batok sa mga lider sang non-member state.
Kaangay kay Israeli Prime Minister Benjamin Netanyahu kag Russian President Vladimir Putin, nga lunsay indi miyembro sang ICC, apang may arrest warrant bangod sa ICC member-state ang Ukraine kag Palestine.
Suno kay Ortiz, kun ma-demolish ang ICC, mahimo nga makapauli naman si Duterte sa Pilipinas.
