Linibo nga Palestinians nga nagapuyo sa mga refugee camps sa West Bank ang nagbiya sa ila mga puluy-an matapos ang sinemana nga Israeli offensive nga nagdemolish sa mga pamalay kag nagguba sa vital infrastructure.
Ginsuguran na sang Israeli forces ang ila operasyon sa refugee camp sa norther West Bank city sang Jenin sang Enero 21 kag nagdeploy sang ginatos nga tropa kag bulldozers nga nagdemolish sang mga pamalay kag mga dalanon, rason kun ngaa nagbiya ang mga residente sang kampo.
Ang operasyon, nga suno sa Israel may tinutuyo nga pahalinon ang Iranian-backed militant groups sa West Bank, ang nag-extend pa sa iban nga camps, partikular na sa Tulkarm refugee camp kag malapit nga Nur Shams camp, nga lunsay nagkalaguba na sa karun.
Ang mga kampo, nga gintukod para sa descendants sang mga Palestinian refugees nga nagpalagyo ukon ginpahalin sa ila mga puluy-an sang 1948 war sa pagtukod sang state of Israel, ang humalin sadto nangin sentro sang mga armado nga militante nga grupo.
