Linibo nga mga Lebanese nga nadisplace bangud sa gyera sa tunga sang Israel kag Hezbollah ang nag-amat-amat na pauli kadungan sang pagpatigayon sang ceasefire sang Miyerkules, kun sa diin madamo ang nagaselebrar sang pagtakop sang makamamatay nga pag-ilinaway.
Ang truce ang nagpa-untat sang gyera nga nagpatay sa linibo ka mga pumuluyo sa Lebanon kag nagresulta sa mass displacement sa duha ka bahin sang border.
Ang gyera ang nag-escalate matapos ang malapit isa ka tuig nga cross-border fire nga gin-initiate sang Hezbollah bilang suporta sang Hamas militants, nga nag-atake sa Israel sang Oktubre 7, 2023.
Nagsaylo ang focus sang Israel nagikan sa Gaza padulong sa Lebanon sang Setyembre agud masecure ang northern border nagikan sa pagpang-atake sang Hezbollah.
Ang grupo, nga wala pa nakapagwa sang pormal nga komento natuhoy sa ceasefire, ang nagamourn pa sa karun sa kamatayon sang ila mga pinuno.
Nanotisyaran ang traffic sa mga dalanon nagikan sa Lebanese capital padulong sa sur sang pungsod bangud linibo nga mga pumuluyo ang nagpauli.
