Wala sang may narekord nga casualties sa nagluntad nga linog sa Sipalay City, Negros Occidental.
Ang sentro sang linog ang narecord alas-8:33 kahapon sang aga sa 48km sa naamihan sang ciudad sang Sipalay, tectonic in origin kag may kadalumon nga 10 km.
Narecord ang Intensity 2 sa La Carlota City, Negros Occidental; Iloilo City; Anini’y, Antique kag Argao City, Cebu.
Intensity 1 naman sa Nueva Valencia, Guimaras; Passi City, Iloilo; Roxs City, Capiz; Culasi kag San Jose, Antique.
As of 5:27 kahapon sang hapon, may yara snag anum ka aftershocks nga nabatyagan.
Sa interview sang Bombo Radyo kay PLt Cepriano Lumanog III, Deputy Chief of Police sang Sipalay City Police Station, wala sang may narekord nga casualties kag wala man sila sang may nabaton nga tawag nga nagapangayo sang bulig.
Abiso sini sa mga pumuluyo nga magulu-aligmat kag maghalong.
