Ginklaro sang National Director sang Philippine Institute of Volcanology and Seismology (Phivolcs) nga wala sang koneksyon ang mga mabaskog nga pagtay-og nga nabatyagan sa Davao Oriental, Cebu kag La Union.
Sa interview sang Bombo Radyo Bacolod kay Teresito Bacolcol, as of 6:00 am, nagdangat na sa 10,652 ang narecord nga aftershock sa 6.9 magnitude nga linog sa Cebu.
Kun sa diin ang pinakamakusog sini ang nagadangat sa 5.1 magnitude.
Apang mas mabaskog pa diri ang pagtay-og sa Davao Oriental nga nagdangat sa 7.4 magnitude kahapon sang aga, nga ginsundan pa sang 6.8 magnitude sang gab-i.
Lauman man ang mga sunod-sunod pa nga mga aftershocks nga matuga sang mabaskog nga pagtay-og.
May 4.4 magnitude man nga linog nga nabatyagan sa La Union kahapon.
Paathag ni Bacolcol nga ang mga nasambitan nga linog ang gikan sa lainlain nga fault line kag trenches.
Wala man ang mga ini sang koneksyon sa kada isa ang mga gault systems, gani makabig isolated ang tagsa ka insidente sang linog.
Suno kay Bacolcol, may-ara man sang Negros Trench nga sarang makatuga sang tuman man ka baskog nga linog.
Mataas naman ang tyansa sang tsunami sa mga masobra 6.5 magnitude nga linog kun ini ang manabaw kag ang epicenter ang yara sa dagat.
Pasalig ni Bacolcol nga bisan mabatyagan sa iban nga mga lugar ang pagtay-og sang makusog nga linog, ini ang indi maka-apekto sa ila fault lines kag trenches.
Samtang ang aktibidad sang Bulkan ang indi man konektado sa mga nagaluntad nga linog kun ini ang tectonic in origin.
