Malapit nalang makompleto ang liquidation sang income sang Mambukal Resort and Wildlife Sanctuary.
Madumduman nga gindagdagan sang show cause order si anay Provincial Tourism Officer Cheryl Decena matapos nga nakita nga may dicrepancy sa income kag expenses sang Mambukal partikular na sa ila nga catering services.
Madumduman nga sadto natukiban nga P30 million ang income sang catering service sa bilog nga tuig apang masobra P33 million naman ang expenses.
Suno kay Negros Occidental Acting Provincial Administrator Atty. Alberto Nillas Jr. ang show cause order ang nagserbe nga pahanumdom nga tysekyaron ang accounts kun may wala pa natapos nga liquidation.
Kasunod sini, amat-amat na nga napasa sang Mambukal ang kinahanglan nga dokumento kag sa karun ang income sang resort ang naglapaw na sa expenses, gani may-ara na sang kita.
Suno kay Nillas sila ang nagpadala man sang personnel gikan sa Provincial Administrators Office kag Treasurers Office agud magbulig sa logging.
Apang ginalantaw sini nga kun wala pa gindagdagan sang show cause order kaangay nga wala man gindalian ang report nga kuntani napasa na sa una nga binulan sang subong nga tuig.
