Igapatuman ang liquor ban sa Domingo tubtub sa Lunes may kaangtanan sa pagpatigayon sang eleksyon sa Mayo 9.
Suno kay Police Lt. Col. Lester Leada, chief sang Operations Management Unit sang Bacolod City Police Office, naghatag na sang instruction si Police Col. Thomas Joseph Martir sa tanan nga police stations nga bululigan ang pagpatuman sang liquor ban.
Suno sa Commission on Elections, ginadumilian ang mga sari-sari stores nga magbaligya sang makahulubog nga ilimnon, samtang ginadumilian man ang pagbakal.
Makig-angot man ang mga ini sa punong barangay agud makabulig palapta sang impormasyon sa mga pumuluyo nga in effect ang liquor ban.
Suno kay Leada, pagadakpon ang sin-o man nga madakpan nga nagabakal ukon nagainom sang alcohol.
Kun indi gid mapunggan ang kagustuhan nga mag-inom suno kay Leada, mas maayo gid nga magbakal sini antes ang Domingo.
