Ginrelease na ang listahan sang 2024 highest paid athletes kun sa diin ang mga pamilyar sagihapon nga pangalan ang nagapanguna sa listahan.
Santo sa Sportico, nagapanguna sa listahan si Cristiano Ronaldo sa sulod na sang duha ka tuig kag may yara ini sang income nga $260 million kag nagasunod sa iya si Golden State Warriors star point guard Stephen Curry nga may yara sang income nga $153 million.
Sa edad nga 40 anyos, nagapadayon si Ronaldo sa high level nga paghampang para sa iya ikaanum nga European Championship sang tinalikdan nga tuig kag nangin labing-una nga men’s player nga makascore sang 900 career goals.
Suno kay Kurt Badenhausen sang nasambit nga digital sport content creator, may yara ini sang income nga $215 million gikan sa iya nga kontrata sa Saudi Pro League club Al Nassr kag ang $45 million gikan sa off-field endorsements kag endeavors.
Nagsaka naman ang income ni Curry sang 2024 gikan sa 2023 kun sa diin may yara lamang ini sang income nga $98.9 million.
Nalakip sa Top 10 sa listahan sang nasambit nga digital sport content creator sa highest paid athletes amo sanday Cristiano Ronaldo nga may income nga $260 Million; Stephen Curry ($153.8M); Tyson Fury ($147M); Lionel Messi ($135M); LeBron James ($133.2M); Neymar ($133M); Oleksandr Usyk ($122M); Karim Benzema ($116M); Kylian Mbappe ($110M) kag Jon Rahm nga may $105.8 Million.
