Ginalauman nga mahagan-hagan ang palas-anon sang mga Pinoy nga may malala nga balatian matapos pormal nga ginpagwa sang Bureau of Internal Revenue (BIR) ang pinakaulihi nga listahan sang mga bulong nga indi na ipaidalom sa Value-Added Tax ukon VAT.
Paagi sa Revenue Memorandum Circular (RMC) No. 27-2026 nga gin-isyu sang Abril 8, 2026, gindeklarar sang bureau nga VAT-exempt ang 2,263 ka mga bulong nga una na gin-aprubahan kag gin-endorso sang Food and Drug Administration (FDA) sang Department of Health (DOH).
Base sa breakdown sang ahensya, ang pinakadako nga porsyon sang listahan ang gintigana para sa mga pasyente nga may cancer, nga nagdangat sa 702 ka sahi sang bulong.
Ginsundan ini sang 535 ka mga bulong para sa hypertension; 327 para sa diabetes; 300 para sa balatian sa paminsaron; 171 para sa mataas nga kolesterol; 152 para sa balatian sa bato; kag 76 para sa tuberculosis.
Ang amo nga exemption sa buwis ang ginapatuman santo sa mga probisyon nga ginpahayag sa Republic Act No. 10963 ukon ang TRAIN Law, kag Republic Act No. 11534 ukon ang CREATE Act.
