Kapin 15 ka mga contractors nga imbulbado sa P100 billion nga balor sang flood control projects sa tion sang una nga tatlo ka tuig sang iya nga administrasyon ang sa karun ginpaidalom sa maidid nga imbestigasyon.
Sa press conference ginbuyagyag ni President Ferdinand “Bongbong” Marcos Jr ang listahan kun sa diin ang ini nga mga contractor ang nakakuha sang 20 percent sang P545.64 billion nga allocated para sa 9,855 flood control projects halin sang July 2022 tubtub May 2025.
Ginbuyagyag man ni Marcos ang 6,021 projects nga nagabalor sang P350 billion nga wala na specify ang exact type sang flood control nga ginpaubra.
Dugang pa sini nga madamo sang mga proyekto nga yara sa lain nga lokasyon nga may yara sang pareho nga balor sang kontrata.
Ang mga masunod ang mga contractors nga ginpangalanan sang Presidente:
- Legacy Construction Corporation
- Alpha and Omega Gen. Contractor and Development Corp
- St. Timothy Construction Corp
- QM Builders
- EGB Construction Corporation
- Topnotch Catalyst Builders Inc
- Centerways Construction and Development Inc
- Sunwest, Inc
- Hi-Tone Construction and Development Corp.
- Triple 8 Construction and Supply, Inc
- Royal Crown Monarch Construction and Supplies Corp
- Wawao Builders
- MG Samidan Construction
- L.R. Tiqui Builders Inc.
- Road Edge Trading and Development Service
Lima sa mga contractors nga ginalakipan sang Legacy, Alpha & Omega, St. Timothy, EGB, kag Road Edge ang imbulbado sa mga proyekto sa halos tanan nga mga rehiyon sa bug-os nga pungsod.
Ginpahayag man ni Marcos nga imposible sa isa ka barangay bisan pa sa madason nga barangay ang may pareho nga proyekto kag pareho man nga balor sang kontrata sa pareho man nga contractor.
Ang ini nga tikang sang presidente ang kasunod sang fourth State of the Nation Address (SONA) kun sa diin ginsita sini ang mga contractors kag government executives nga yara sa likod sang anomalous public works projects partikular sa flood control projects.
