Nagpanawagan si Senator Imee Marcos nga dapat i-update na sang Department of Agriculture ang listahan sang mga mangunguma sa probinsya sang Negros Occidental.
Suno diri, naghatag ang Department of Social Welfare and Development (DSWD) sang bulig paagi sa Assistance to Individuals in Crisis Situation program kag nagpalab-ot man sang bulig ang Department of Agriculture.
Suno sa senadora, may dako nga area sang agrikultura sa probinsya kag isa sa problema sa pagpalab-ot sang bulig sa mga mangunguma amo ang outdated na nga listahan sang DA kag mabudlay ang pagtumod kun sin-o ang dapat nga makabaton sang bulig.
Dugang pa sini nga panawagan amo ang pagpreparar sang irigasyon kag Small Water Impounding Project para sa tion nga mag-abot ang tig-ululan, may makadtuan ang tubig nga pwede maggamit kag malikawan ang baha.
