Ginapreparar na ang mga listahan sang mga progama ukon proyekto sa ciudad sang Bacolod nga irekomendar nga ma-exempt sa Comelec banning sang disbursement of funds.
Sa interview sang Bombo Radyo Bacolod kay Secetary to the Mayor Atty Marty Go, santo sa Comelec resolution No. 10999, kadungan sa pag-umpisa sang campaign period para sa local officials sa Marso 28, magasugod naman ang banning sang distribution of funds
Apang may-ara sang mga programa nga kinahanglan mapadayun gani sila ang naga-apply sang exemption sa Commission on Election.
Samtang tubtob sa Pebrero 11 lamang ang deadline sa pagsumiter sang mga departmento sang mga proyekto ukon programa nga luyag nga ma-e.
Sa karun, ang Department of Social Services and Development ang nakasumiter na sang apat ka programa kalakip na diri ang Assistance to Individuals In Crisis Situations (AICS) samtang nakasumiter naman ang Department of Agriculture nga may ara man sang cash distribution sa mga farmers kag fisherfolks.
Ginahulat pa sa karun ang listahan sang programa nga luyag ma-exempt sang City Engineer’s Office ilabi na nga sila ang may-ara man nga mga ongoing infrastructure projects.
Pinaagi sini, apisar sa Election banning, mapadayun ang pila ka mga importante nga programa para sa mga pumuluyo.
