Ginpahayag sang alkalde sang ciudad sang Bacolod nga ginfinalize na nila sang holy week ang listahan sang mga tricycle drivers nga naqualify sa payout sang Department of Social Welfare and Development (DSWD) sa Miyerkules.
Sa interview sang Bombo Radyo Bacolod kay Bacolod City Mayor Greg Gasataya, na-finalize na ang listahan kag may yara sang ginbalik nga wala na-qualify.
Suno kay Gasataya, ginkuha pa sini ang rason sang mga wala na-qualify kag tinguhaan nga i-apelar.
Ginatsekyar man sang mga ini ang data base sang mga public utility jeepney (PUJ), public utility vehicle (PUV), taxi kag Transportation Network Vehicle Service (TNVS) drivers bangud kahapon sang aga nakaumpisa na sila sa pagpanagtag sang bugas.
Suno kay Gasataya, magapadayon ang panagtag sang bugas sa mga drivers, nga gina-direkta nila sa mga terminal.
Suno diri, may yara naman sang listahan nga ginhatag sa ila ang Land Transportation Franchising and Regulatory Board (LTFRB), kag isa ka paagi agud nga mavalidate ang tanan nga yara sa listahan ang paagi sa paghatag sang bugas.
