Litrato sa virtual inspection sang DTI sa CALE88, ginpresentar sa impeachment trial ni VP Sara
-- ADVERTISEMENT --

Ginpakita sang defense team ang mga litrato sang pasilidad sang Cale88 Foods Corporation nga kuha sa mga ginpatigayon nga virtual inspection sang 2021.

Ginpresentar ang mga ini sa trial bilang kabahin sang testimoniya ni Department of Trade and Industry (DTI) Undersecretary Ceferino Rodolfo, nga naghatag sang paathag tuhoy sa pagparehistro sang kompanya sa Board of Investments (BOI).

Makit-an man sa ginpresentar nga dokumento ang pagtambong ni Dr. Lourdes Lebosada sa virtual inspection.

Una nga namensyonar sa trial nga dentista ini ni Vice President Sara Duterte.

Parehas man nga may shares sa Cale88 sanday Lebosada kag ang bana ni VP Sara nga si Atty. Manases Carpio sang gintukod ang kompanya sang 2021.

-- ADVERTISEMENT --

Ginkumpirmar man ni Rodolfo nga nakarehistro ang Cale88 sa Board of Investments bilang export enterprise.

Nagakahulugan, nga dapat indi magnubo sa 70 percent sang kabug-usan nga produksyon ang para sa exportation.