Gintinguhaan pa sang pamilya kag sang live-in partner sang bangkay nga nasapwan sa Economic Highway sang Barangay Cabug, syudad sang Bacolod nga pangitaon ini.
Suno kay Lilibeth Patricio sang April 18, gintrangkasahan sang biktima nga si Rodnie Emplamado,42 anyos, ang pwertahan sang ila balay kag naglakat apang wala man sila nakahibalo Kun sa diin ini makadto.
Suno kay Patricio nagapati ini nga wala man sang nagkuha sa iya bana bangud nakahibalo ini nga naglakat ang iya bana.
Suno diri, makaligad ang tatlo ka adlaw, may nagkadto sa ila nga nagpahibalo sa ila amay nga SI “potot” nga tawag sang mga ini sa biktima nga Yara ini sa police station 2 sa syudad sang Bacolod matapos nga ginaaligar sini nga nadakpan sa illegal gambling sa Purok Sigay, apang suno sa ka live-in sang biktima nga wala gid siya nakahibalo kun didto gid man ini padulong bangud mala man ini sang ideya sang ginakadtuan sang biktima.
Si certain Jeffrey ang amigo sang biktima ang nagkadto sa ila balay agud nga magkuha sang bayo, pagkaon kag Kwarta.
Makapila pa ka beses nagbalik sa ila balay si certain Jeffrey agud mangayo sang kinahanglan ni Emplamado.
Suno kay Patricio, ginkadtuan man mismo sang amay sang biktima ang police station 2 apang wala didto ang biktima.
Suno diri, naglibog man ang ulo nila kun diin pangitaon ang kalive-in sini.
Ginkadtuan man nila Ang police station 10 kasunod sang pagkasapo sang duha ka bangkay sa tamburong sa Barangay Felisa kag ginatudlo sila sa ABE funeral homes apang wala na ginbuksan ang bangkay bangud mabaho apang ginpamangkot sini ang embalmer kun ano ang bayo kag ginpahayag nga nakasuksok sang jeans.
Didto nila nahibaluan nga indi si Emplamado ang nasapwan bangud wala ini nagadelargo bangud shorts ang masami sini nga ginasuksok.
Naghapit Sila sa police station 2 kag nagbilin picture kag ginpangita ang pangalan sang biktima Kun nakabutang sa mga nadakpan apang wala man.
Makaligad Ang Isa ka adlaw sang nagdesisyon Ang mga ini nga maguntat sa pagpangita kay Emplamado nagtawag sang kaagahon ang police station 9 nga may nasapwan nga bangkay sa economic highway sa Barangay Cabug.
Ginpadulungan man nila ini kag Nakita nga nagasanto sa description nga ila ginbilin sa police stations sang una sila nagpadulong sa syudad sang Bacolod, ginpalubong na lamang nila ini bangud nagakaagnas na.
Ginpahayag man sini nga wala sang pilas ang biktima kag ginalantaw nga napatay ini bangud sa sufffocation.
Wala naman nila nakita si certain Jeffrey nga nagapangayo sang kinahanglan sang biktima sa ila pamilya.
Suno kay Patricio, si certain Jeffrey Ang nakahibalo Kun sa diin gid matuod Ang kalive-in sini antes pa man nasapwan sa Barangay Cabug nga nagakaagnas na.
