Liwat nga ginpasiguro sang alkalde sang syudad sang Bacolod nga may wala sang lugar ang tanan nga mga iligal nga aktibidad sa syudad.
Suno kay Bacolod City Mayor Alfredo Benitez, halin pa sang tinalikdan, nagahambal na ini nga wala sang lugar ang mga iligal nga mga negosyo sa syudad sang Bacolod.
Ginpasiguro man ni Benitez nga ang seguridad sang mga elected officials sa syudad sang Bacolod ang in-place naman.
Ginalantaw man sang alkalde nga ang issue sa Negros Oriental ang political nga away sang mga politiko sa nasambit nga probinsya.
Suno kay Benitez, bisan si Iloilo City Mayor Jerry Treñas ang nagdugang man ini sang security.
Ginpahayag naman sini nga ang pagdugang sang security ang tikang man sang mga kapulisan ang pagpabilin sang seguridad sang mga elected officials.
Dugang pa sini, wala man sang dapat nga kahangaw-an ang mga pumuluyo sa syudad bangud mabuot man ang mga tawo diri.
Una na nga nagpaandam si Pamplona Mayor Janice Degamo sa interview sang Bombo Radyo Bacolod diri nga dapat maghalong ang mga pumuluyo sa syudad sang Bacolod kag Iloilo bangud sa impormasyon nga nabaton sini, nagabalik-balik ang Teves Cares nga helicopter sa duha ka syudad bangud indi sini luyag nga matabo diri ang natabo sa Negros Oriental.
Ginpahayag ni Justice Secretary Jesus Crispin Remulla nga ginakabig si suspended Negros Oriental Representative Arnolfo “Arnie” Teves Jr. nga isa sa mga mastermind sa pagpatay kay Negros Oriental Governor Roel Degamo.
Suno kay Remulla, posible nga may duha tubtob tatlo ka masterminds sa pagpatay.
