Mabatyagan na ang liwat nga pagbuhi sang hog industry sang Negros Occidental matapos nga nagnubo ang presyo sang karne sang baboy sa mga merkado sa palibot sang probinsya.
Suno kay Alliance of Hog Raisers Association of Negros Occidental (AHRANO) President Ric Lauron nga amat-amat na sa pagbalik sa pagsagod sang baboy ang mga mangunguma sa probinsiya kag may yara na sang madamo nga supply.
Suno kay Lauron mahimo nga mabakal ang baboy sa P230 tubtob P250 ang kada kilo sang karne sang baboy sa karon, mas manubo ikumparar sa P280 tubtob P300 kada kilo sadto.
Yara naman sa P140 tubtob 160 ang kada kilo sang liveweight sang baboy subong, manubo ikumparar sa P200 sang tinalikdan.
Nakaandan na nga nagabarato ang karne sang baboy tagsa bulan sang Agosto, nga ginatawag “tigkiriwi” kun sa diin nagadali ang mga hograisers nga ibaligya ang ila mga baboy para sa kinahanglanon sa eskwelahan kag panimalay.
Suno diri lauman nga liwat magasaka ang presyo saang karne sang baboy sa “Ber months” bangud madamo na sang mga okasyon.
