Magapakig-angot pa si Bacolod City acting mayor kag Vice Mayor El Cid Familiaran sa Department of Social Services and Development tuhoy sa intervention sang ciudad kag sa plano nga pagpatukod sang halfway house para sa mga badjao nga yari diri sa ciudad.
Suno kay Familiaran, madamo sang lugar sa Bacolod nga may yara sang presensya sang mga badjao kag masami nga nagaabot ang mga ini antes ang Masskara Festival.
Suno sa iya, masami nga ginaround up sila kag ginapabalik sa ila lugar.
Wala naman ini sang ideya sa ginapropose nga temporaryo nga shelter para sa mga ini.
Suno diri, siya ang magatawag sa DSSD tuhoy sa interventions kag mga tikang nga ila himuon.
Suno kay Familiaran, may layi nga nagadumili sa paghatag sang limos sa mga dalanon agud maprotektahan ang interest sang mga menor-de-edad nga gina-exploit ang ila kalingod kag ginasugo nga magpangayo-kayo.
Gani nagaabiso ini sa mga pumuluyo nga indi maghatag sang limos agud indi mapapanaugan sang penalidad santo sa Anti- Mendicancy Law of 1978.
