Nagbalik na ang komunikasyon nanday Liza Soberano kag iya anay talent manager nga si Ogie Diaz matapos ang tatlo ka tuig nga wala nga pag-istoryahanay.
Sa YouTube vlog ni Ogie nga gin-upload, ginpahayag niya nga nagsabat si Liza sa iya public birthday greeting sa Instagram paagi sa direct message.
Ginpahayag ni Ogie nga gin-greet niya si Liza bangud namiss niya ini, kag nalipay gid siya nga nagsabat ang Filipino-American nga aktres.
Gin-greet ni Ogie ang aktres sang “Happy bday, Liza Soberano! Sana ma-achieve mo ang dream mo to make it big in Hollywood! Sana ay mapaligiran ka din ng mga tamang tao para mas mabilis mo siyang ma-achieve! Love you, Hopie!”
Sa sini, nagsabat si Liza sang, “Thank you, Tito Ogie. I hope you and the family are doing well.”
Ginpahayag man ni Ogie sa iya vlog nga apisar sa mga natabo nga indi pag-intsindihanay, mapasalamaton siya kay Liza kag sa mga projects nga ila naubra.
Madumduman nga sang 2023, ginpabutyag ni Liza sa isa ka TV session nga nakabatyag siya sang kaagig kay Ogie kag sang iya nga nga rebranding bilang artista.
