Loans sa mga Universal kag Commercial Banks sa Pilipinas, nagsaka sang Abril

Ginkumpirmar sang Bangko Sentral ng Pilipinas nga nagsaka sang 11.4 percent ang loans sa mga universal kag commercial banks sadtong Abril.

Nagsaka ini gikan sa 10.7 percent sang Marso nga gintunaan sang mataas nga demand sang pautang gikan sa mga negosyo kag mga households.

Suno sa BSP, nagtaas sang 11.8 percent ang outstanding loans sa mga residente sang Abril gikan sa 11.1 percent sang Marso.

Samtang, ang mga loans sa mga business activities nagtaas sang 10.7 percent sang Abril, gikan sa 9.7 percent sang Marso.

Partikular naman nga nagsaka ang mga pautang sa bangko sa mga real estate activities sa 8.1 percent kag nagtaas man sang 25.8 percent ang suplay sang kuryente, gas, steam, kag air-conditioning supply.