Magasugod na subong nga adlaw, Abril 27, 2022, ang absentee voting para sa mga magatrabaho sa adlaw sang Eleksyon.
Suno sa Commission on Elections, 84,357 ka mga botante ang ginpahanugutan nga mag-avail sang local absentee voting (LAV), nga magadugay tubtob Abril 29, 2022.
Samtang, ang application sang 9,341 ka mga indibidwal ang wala naman gin-aprubahan bangud wala ang mga ini nakaparehistro ukon nadeactivate.
Suno sa Comelec, kabug-usan nga 93,698 ka mga suldado, pulis, government kag media personnel ang nag-apply para sa LAV para sa 2022 elections.
Ang local absentee voters ang magaboto manually para sa national positions kaangay sang Presidente, Bise-Presidente, mga Senador kag party list.
Suno kay Comelec Commissioner George Garcia, ang pagboto sang mga military, police kag government personnel ang patigayunon sang pinuno sang ila tagsa-tagsa ka mga opisina.
Suno kay Garcia, ang head amu ang magadistribute sa local absentee sang ila mga balota kag ang mga voters amu ang magafill-out sini.
Pagkatapos boto, igabalik sang botante ang balota sa office head.
Pagakolektahon sang office head ang tanan nga envelopes nga nagaunod sang accomplished ballots kag igapasa ini sa Comelec Election Contests Adjudication Department (ECAD).
Ang mga media personnel naman nga maga-avail sang LAV ang magaboto sa Regional Election Director – National Capital Region (RED-NCR).// Ang LAV votes ang pagaisipon naman sa Mayo 9.
