Ginbuksan na sang Commission on Elections ang Local Absentee Voting (LAV) para sa mga botante nagikan sa mga ahensya sang gobyerno lakip na ang Philippine National Police (PNP), Armed Forces of the Philippines (AFP) kag mga miyembro sang media nga indi sarang makaboto sa scheduled election day.
Suno kay Comelec chairman George Garcia, para sa 2025 elections, may yara sang 57,682 ka mga registered local absentee voters sa bilog nga pungsod kag kalabanan sa mga participants ang nagikan sa AFP.
Suno kay Garcia, ang mga balota para sa LAV ang simultaneously nga pagabuksan kag ibutang sa election machines sang Mayo 12 sa Comelec central office.
Ang LAV ang nagsugod sang Abril 28 tubtob Abril 30, 2025 humalin alas 8:00 sang aga tubtob alas 5:00 sang hapon.
