Ginakabig nga pinakadako nga stage sang local band nga Mondae Cleaners ang pagperform sa Tanduay Rhum Festival nga ginpatigayon sa Bacolod City Government Center (BCGC) grounds sang Agosto 20.
Ang banda ang ginalakipan nanday Jephta Bayoneta, 18 anyos, lead singer; Elijah Bayoneta, 19 anyos, drummer; Rouen Franco Taño, 16 anyos, bassist; Jhan Gabriel Chua, 16 anyos, nagatukar sang keyboards kag Christian Kyle Cañada, 14 anyos, nagagamit sang lead guitar.
Suno sa lead singer sang banda nga si Jephta, sila lang ang local band nga nagperform sa Rhum Festival kun sa diin nasal-an man ang mga ini nga guest performers gikan sa iban nga bahin sang Pilipinas.
Aminado ini nga wala nila naathag sang mag-introduce nga sila ang lokal nga residente sang Bacolod bangod luyag nila nga magperform nga ginapakita ang professionalism gani ginpili sini nga magpakilala gamit ang Tagalog kag English tubtob sa matapos ang performance.
Dako man ang pagpasalamat nila sa mga suporta nga nagakabatun gikan sa ginikanan, fans, admirers kag sa ila mga followers.
Sa pihak nga bahin, apisar nga siya ang lead singer gin-athag sini nga tanan sila ang may potensyal kag lainlain ang style sa pagkanta.
Panugyan sini sa mga kaangay nila nga handom man ang makilala bilang banda nga antes maghandum sang mas dako nga stage, dapat nga mangin humble.
Dugang pa sini nga sa pagpakigbahin sa talent, indi dapat pag-ipressure ang kaugalingon kag i-enjoy lang ang performance.
Si Jephta ang isa ka 1st year college student kag nagakuha sang kurso nga Bachelor of Science in Architecture.
Samtang pahayag naman ni Elijah nga ang pangalan sang banda ang ila nahuman bangod masami sila nga nagatukar sa mga events sadto sa Lunes nga dalaw samtang sila man ang mato-mato nga nagahimus sang ila mga set-up antes kag matapos ang performance gani nangin Mondae Cleaners ang banda.
Pahayag sini nga nagatinguha gid sila sadto nga makatukar sa mga programa sa eskwelahan kag iban pa nga mga events agud nga makatukar sa mas madamo nga audience.
Suno kay Elijah, sadto duha lang sila sang manghod nga si Jephta ang upod nga nagagitara nga nag-umpisa sa ila nga simbahan.
Sila ang lamharon pa nga na-expose sa music bangod choir director ang ila amay sa simbahan.
Suno diri apisar nga wala sang drums sa ila simbahan, ini ang nakapukaw sa iya atensyon tubtob sa nakagamit sang beatbox.
Pahanumdom sini bilang pinakamagulang sa banda nga indi magpa-apekto sa pressure kag pabay-an lang kun maymabatian nga negatibo kag ipadayun lang ang passion.
Ginpahayag naman ni Rouen Franco Tanio, 16-anyos, grade 11 student, bassist sa Mondae Cleaners band nga ini ang una nga nagtukod sang banda.
Suno diri, nag-umpisa sila sadto nga nagatukar nanday Jhan Gabriel Chua kag Christian Kyle Caniada samtang lain naman nga banda ang mag-utod nga Bayoneta.
Pahayag sini nga musician man ang iya amay, kag kilalahay ang mga ginkanan nila ni Christian Kyle nga yara sa banda sadto.
Apang sa tion sang performance, may duha sa ila nga anay kaupod ang indi makaperform gani ginhagad sang mag ini sanday Jephta kag Elijah sa isa ka collaboration.
Apang ang dapat nga kolaborasyon lamang ang nagtinir tubtob sa nahuman ang Mondae Cleaners.
Suno diri, sila ang nag-umpisa sang pandemic kag magkaupod nga nagajamming tubtob na sa nakaperform sa Rhum Festival.
Ini na ang makabig pinakadako nga stage para sa banda kag aminado ini nga sila ang ginakulbaan bangod biggener lang sila kun ipaanggid sa iban nga guest performers.
Apang nadula naman ang ila nga kakulba sang nabatian na ang pagcheer sang mga tumalan-aw.
Ginakalipay man sini nga supportive ang iya ginikanan kag ginasuportahan ini agud nga makahuman sang confidence sa pagtukar sa atubang sang madamo nga audience bangod tuman ini ka mahuluyaon sadto.
Samtang, si Jhan Gabriel Chua, 16 anyos, keyboards player, ang nakaupod naman nila ni Rouen Franco bangod sila ang classmates sa Junior Highschool.
Siya ang Grade 12 student sa Asian College of Aeronautics.
Sadto, luyag sang amay sini nga siya ang magtukar sang gitara nga instrumento man sini sa banda, apang siya ang mas nagka-interes sa key board.
Nakatuon naman ini sa pagtukar sang keyboard online.
Para sa mga ini, tuman ka overwhelming ang pagperform sa Rhum Festival kag ini ang dako nga bugal para sa ila ilabi na nga nakaupod nila sa pagperform ang pila ka mga banda nga ila ginatangla kag ginakabig nga inspirasyon.
Aminado naman si Christian Kyle Caniada, 14 anyos, lead guitarist nga nangin mabudlay para sa ila ang practice ilabi na nga lainlain ang ila mga eskwelahan kag indi palarehas ang schedule sa klase ilabi na nga ang banda ang nahuman sa tion sang pandemic.
Pinakauli sang mga ini nga event nga ginpakigbahinan amo ang Rhum Festival sa BCGC Grounds.
Paathag sini nga ang goal sini sa pagsulod banda amo ang magtukar nga nagakalipay.
Apisar sa banda, handum man sang pinakabata sa Mondae Cleaners nga mangin isa ka nurse.
Ginakalipay sini nga ang iya mga ginikanan nga lunsay kabahin man sang banda sa ila kabataan, ang nagasuporta gid sa iya nga handom.
