Nagpanugyan ang Negros Occidental Police Provincial Office sa mga Local Chief Executives nga luyag mag-avail sang Police Protection Security Group.
Sa interview sang Bombo Radyo kay NOCPPO spokesperson Police Captain Judesses Catalogo, may yara sang pila ka Local Officials sa Negros Occidental nga luyag nga mag-avail sang Police Protection Security Group kun sa diin ang special unit sang PNP magahatatag sang Detail Police Officer para sa seguridad sang isa ka persona nga may yara sang nagakabaton nga pamahog sa kabuhi kag masami nga naga-apply diri amo ang mga elected officials.
Sa luyag mag-avail, kinahanglan mag-apply sa Police Regional Office 6 nga may rekomendasyon gikan sa Provincial Director.
Kag kun ini ang wala pa ma-aprubahan, ang lokal nga kapulisan ang magahatag sang seguridad sa ila nga safety.
Dugang pa sini, ang pamahog nga nagakabaton sang mga elected officials ang masami nga nagikan sa mga Communist Terrorist Group, bangud santo sa nakaligad nga eleksyon, matawhay man nga ginbaton sang mga candidates ang resulta.
Ginmando man sang Proivincial Director nga mas maayo nga dugangan ang security personnel sang halos tanan nga Local Chief Executives ilabi na kun ini ang magpadulong sa mga far flung areas nga posible may matabo nga butang nga indi makontrol.
