Ginpahayag ni Valenzuela City Representative Rex Gatchalian nga iya ginapasalig sa mga Negrense nga padayunon sang local government committee ang pagsuporta sa hagna nga magatukod sang Negros Island Region tubtob sa final approval sini sa House of Representatives.
Nahibaluan nga gin-aprubahan na sang House of Representatives ang pila ka mga hagna nahanungod sa pagtukod sang Negros Island region subong nga semana.
Sa idalum sang hagna, ang Negros Island region ang pagabug-usan sang mga probinsya, syudad kag munisipalidad kag mga barangay sa Negros Oriental, Negros Occidental kag sang island province nga Siquijor.
Pahayag sang author sang hagna, nga logical kag practical ang inclusion sang Siquijor santo sa proximity kag cultural similarities sini sa Negros Island.
Sa karun, nahibaluan nga ang Negros Occidental province kag ang capital nga Bacolod City ang kabahin sa Western Visayas ukon Region 6 samtang ang Negros Oriental naman kag ang Siquijor provinces ang kabahin sa Central Visayas ukon Region 7.
Ang mga authors sang consolidated bill ang ginalakipan nanday Negros Occidental Representatives Juliet Marie de Leon Ferrer, Alfredo Maranon, Gerardo Valmayor Jr., Emilio Bernardino Yulo, Mercedes Alvarez kag Jose Francisco Benitez kasubong man si Bacolod City Lone District Congressman Greg Gasataya kag Joseph Stephen Paduano sang ABANG LINGKOD party-list.
Sa report sa committee, ginpahayag ni Alvarez nga ang consolidated bill ang may-ara sang bug-os nga suporta sang business sector, nga ginalakipan sang Metro Bacolod Chamber of Commerce and Industry kag Negros Oriental Chamber of Commerce and Industry.
Suno diri, nag-issue na sang mabaskog nga suporta sa legislation sang NIR ang business sector, indi lamang bilang hagna nga magahatag sang sense of permanency kundi agud maseguro nga mapadayun ang development sang NIR.
Madumduman nga gin-issue ni late President Benigno “Noynoy” Aquino III ang Executive Order 183 nga nagtukod sang Negros Island region sang Mayo 29, 2015, nga nagaseparar sa Negros Occidental gikan sa Western Visayas kasubong man sang Negros Oriental gikan sa Central Visayas.
Apang gin-abolish sang successor sini nga si former President Rodrigo Duterte ang rehiyon pinaagi sa pag-issue sang Executive Order 38 sadtong Agosto 7, 2017, sa tinutuyo nga masiguro nga supisyente ang pondo para sa mga priority programs kag projects sang gobyerno.
