Gin-athag sang Philippine Olympic Committee (POC) kag sang National Golf Association of the Philippines (NGAP) nga nag-ugat sa logistical problems ang issue sa uniporme sang Filipina golfers nga sanday Dottie Ardina kag Bianca Pagdanganan sa ila nga 2024 Paris Olympics campaign.
Sa isa ka video nga nagalapta sa social media, ginpakita ni Ardina ang iya pagkadismaya angot sa ila nga uniporme.
Sa isa ka statement, ginpahayag sang POC nga ang opisyal nga sponsor sang pagasuksukon nga delegasyon sang Pilipinas ang nagpadala sang golf uniform design apang wala gin-aprubahan.
Suno sa committee, ang revised design ang ginpadala lamang isa ka semana antes ang opening ceremony sadtong Hulyo 27.
Dugang pa sang POC, ginhatag ang ila nga uniporme nga ginbakal sa Paris, France apang pareho nga ginpili nanday Ardina kag Pagdanganan nga suksukon ang ila dala nga bayo.
Gin-emphasize man sang POC nga wala sang corruption nga natabo kag ginakasubo man nila nga mabatian ang balita kag ang issue ang isolated case.
