Patay ang 91-anyos nga lola matapos ginbuno sang iya apo matapos wala ginhatagan sang kwarta sa Sitio Balangigan, Barangay Guinpaan, banwa sang Moises Padilla alas-5:30 kahapon sang kaagahon.
Ginkilala ang lola nga si Edelberta Pasuit, kasado samtang ang apo sini amo si Christian Pasuit, 26-anyos, lalaki, single kag lunsay residente sang nasambit nga lugar.
Sa interview sang Bombo Radyo kay PMaj. Ryan Villasario, Officer in Charge sang Moises Padilla Municipal Police Station, nangayo sang kwarta si Christian sa iya lola apang ini ang wala ginhatagan.
Didto na nagluntad ang pagbinaisay kag paginamo tubtob nga ginlabo ni Christian ang iya nga lola sang makapila ka beses gamit ang binangon.
Bangud sini, nagkuha man sang patalom ang lolo nga si Carlos Pasuit, 84-anyos kag ginbuno ang iya nga apo.
Si Edelberta ang nakaagom sang patal nga pilas sa ulo kag iban pa nga bahin sang iya lawas nga nagresulta sang iya kamatayon.
Ginbawian man sang kabuhi si Christian matapos makaagom sang pilas sa nagkalain-lain nga bahin sang iya lawas.
Samtang pilason naman ang lolo kag padayon nga ginabulong sa ospital.
