LOOK: Forced evacuation, ginpatigayon sa pila ka Barangay sa banwa sang La Castellana kasunod sang explosive eruption sang Bulkan Kanlaon

Nagapatigayon na sang forced evacuation sa anom ka Barangay sang banwa sang La Castellana bangod sa explosive eruption sang Bulkan Kanlaon alas-3:03 kaina sang hapon.

Kalakip sa mga Barangay nga nagpatigayon sang forced evacuation sa Barangay Sag-Ang, Biak-na-Bato, Masulog, Kamandag, Mansalanao kag Cabagna-an.

Kadungan sa explosive eruption ang pagtimbook sang aso nga may kaupod nga abo.

Ang ashfall ang naka-apekto sa Canlaon City sa Negros Oriental; La Castellana, Bago City, La Carlota City, Pontevedra, San Enrique, Hinigaran, Valladolid kag Pulupandan sa Negros Occidental.

Samtang ini ang naglab-ot man sa NeuvaValencia, Sibunag kag San Lorenzo sa Guimaras.